التصنيف: Path

اعرف انه موب سهل الواحد يغير قناعات تربى عليها وكان يؤمن فيها من طفولته. واحب أوضح لكم ايش صار معاي.

من وحنا صغار واحنا ندرس بالمدرسة ان الأرض كروية،
وكنت وقتها مؤمن بهذا المعتقد.
كنت اسمع بعد ان فيه رأي يقول ان الارض مسطحة، لكن كنت ساذج وتجاهلته.

لكن من فترة قريبة، صارت الآراء تتكرر علي بشكل اكثر.
من علماء علوم طبيعية، ومن فقهاء اسلاميين بعد.

الموضوع شدني، واستثمرت جزء لا يستهان به من وقتي في اني أقرأ أكثر عن آرائهم وأدلتهم العلمية والدينية. كنت أحسبهم خرّاطين لكن طلع الموضوع اكبر من كذا.

اكتشفت ان المجامع العلمية تبنت فكرة كروية الارض لاعتبارات الأمانة والدقة العلمية مع تهميش رأي الناس اللي تؤمن بأنها مسطحة وإقامة حرب علمية عليهم.

اعرف انكم منصدمين. انا كنت منصدم بعد. لكن خلاص توصلت لقناعة بالموضوع وعرفت ليش صار كل شي.

القناعة اللي توصلت لها ان هذول الناس لا يفقهون شيئًا مما يقولون. تحسبني مغفل بقول ان الارض مسطحة؟ والله ان تبطي. الزبدة هذا كان مقلب أربعة رجب. لا تضحك علشان ما يخرب المقلب وكذا. ترا ارسلتها وانا ميت ضحك. لا تلومني. تعرف اني غريب ونيرد وحس الدعابة عندي غير.

من الظهر وانا افكر كيف أصيغ الكلام لكم بطريقة توصل الرسالة بطريقة واضحة وبدون ما يتشخصن الموضوع.

شكرًا لكم ❤️

بمناسبة أسبوع المرور بعطيكم وجهة نظري:

كل شخص عنده قدرة معينة على التركيز، تختلف من شخص لآخر.
وكل عمل نسويه يتطلب مننا نسبة معينة من هذا التركيز، حسب قدراتنا احنا وحسب عوامل كثيرة.
(Cognitive ability)

يعني مثلا:
السواقة بسرعة 50 كلم تتطلب شخص تركيز 70% ومن شخص ثاني 50%.
لو تختلف السرقة تختلف نسبة التركيز المطلوبة.

نفس الشيء مع السوالف واستخدام الجوال.
كلهم يحتاجون نسبة تركيز معينة مختلفة حسب الظروف وحسب قدرة الشخص نفسه.

وطبعا فيه شي مهم، اللي هو قدرة الدماغ على التحول من مهمة الى مهمة بشكل سلس (multitasking). طبعا القدرة هذي تختلف بشكل كبير بين شخص وشخص. ممكن نعتبرها انها مهمة وتحتاج نسبة معينة من التركيز بعد.

كل شخص يتكلم عن موضوع استخدام الجوال على انه يشتتك عن السواقة. لانهم يتوقعون لازم تعطي السواقة 100% من تركيزك. هذا الشي واقعيا غلط.
انت مفروض تعطي السواقة 100% من التركيز اللي السواقة تحتاجه.

يعني مثلا لو انت تركيزك 10 وحدات قياس.
السواقة تتطلب منك معدل 5 وحدات، والتحويل بين المهمات يتطلب منك وحدتين تركيز، ف انت عندك 3 وحدات على الأكثر تقدر تسوي فيهم اللي تبي. بالتالي، اذا بتسوي شي بالجوال يتطلب منك 3 وحدات او اقل ف عادي سوه.

ترا علشان كذا الواحد اذا ضيع الطريق يترك الجوال ويطفي المسجل ويسكت اللي حوله، لانه يصير يعطي السواقة تركيز اكثر لدرجة ما تسمح له انه يسوي اي شي ثاني.
***تحذير***
الكلام الوارد هنا من كيسي، وأنا وغير مسؤول عنه بتاتًا البتة.

(1)
واحد من الأشياء اللي من وانا بالثانوي افكر فيها هو اني اوفر فرص تعليمية لأهل القرى والهجر:

واحد من الأفكار كانت اني استلم قرية معينة،
واتفق مع STC انهم يوصلون لهم نت سريع.
ويصير ندرب شباب وبنات القرية على الكمبيوتر والبرمجة. وكنت احس انهم ممكن يصيرون فلتات ويتقنون الحرفة مرة لأن ما عندهم أشياء كثير تشتتهم. وكنت احس انه ممكن يطلع من وراهم مشاريع بومجية ممتازة مرة.

 

(2)
بعد ما رجعت من امريكا، تطورت الفكرة اكثر.
حبيت نظام المدن الجامعية.
وصرت ابي اروح لوحدة من هذي القرى،
وآخذ منهم أرض كبيرة مرة
وأخطط لجامعة تنبني فيها، ولمدينة تنبني علشان الجامعة.
وأنقل تجربة المدينتين الجامعيتين اللي عشت فيهم بأمريكا.

أحس فكرة انك تسوي مدينة جديدة بتساعدك انك تحط المعايير اللي تبيها بدون ما تصير مرتبط بالمعايير اللي الناس متعودة عليها.
وتصير فرصة كبيرة لإنك تحدث ثورة تعليمية واجتماعية، الخ.

 

(3)
ف صرت كل ما امسك طريق الرياض اقرأ اسماء القرى والهجر اللي بالطريق واختار وحدة منهم اسمها ينفع يصير جامعة.
وأحاول انطق الاسم بأكثر من لسان وكذا 😂
يعني اذا مرينا من صلاصل اقعد افكر بإسم جامعة صلاصل واشوف اذا ينفع او.

وأخيرًا وصلت لجواب…

جامعة عين دار 😍

 

(4)
يالله الحين باقي يصير عندي ٥٠ مليار (مع مراعاة فارق التضخم)
وثقة البنوك وأصحاب الأموال ومسؤولين الدولة
ونأخذ فلوس من كل أحد ونسويها مساهمة خيرية
ونبني الجامعة
ونعيش سعداء مرتاحي البال

 

(5)

واحد من تطورات الفكرة كان إننا نخلي القرى يعتمدون على نفسهم بأشياء واجد.

مثلا نروح لقرية مافيها عيادة ونقول لهم راح نبني لكم مستوصف لكن نبي موظفين المستوصف يكونون من اهل القرية
ف ناخذ مجموعة من عندهم ونعلمهم وندربهم انهم يصيرون أطباء وممرضين ومسعفين وغيرها.
او نقول بنسويلكم مدرسة لكن نبي بعد عدد معين من السنوات يصير طاقم المدرسة منكم.

الخ

#نقاش
#خطبةالجمعة

من زمان وانا في بالي فكرة ان المسجد مفروض يكون مدرسة اجتماعية موب بس مدرسة دينية. وكنت اتمنى اشوف بعض المشايخ يتكلمون في خطب الجمعة عن مواضيع يحتاجها أهل الحي ومواضيع تساهم في نهضة الأمة.
يعني بدال ما يتكلم الشيخ في قضايا دينية ممكن يكون فيها اختلاف، او تأثيرها يكون قليل، او يستخدم نفس الآيات والأحاديث اللي كلنا حافظينها ونسمعها من واحنا صغار، يصير يتكلم عن مواضيع مختلفة. ويصير يخاطب العقل والمنطق والعاطفة، موب بس يكون إلقاء سردي لأدلة وآثار دينية.
او حتى لو استخدم نفس المواضيع التقليدية، يصير يتكلم عنها من نظرة اجتماعية وعلمية واقتصادية وتاريخية موب بس نظرة دينية.

ف تكلمت مع خطيب الجامع اللي عند بيتنا، وتفاعل معاي، بس قال يبغاني اجهز له مواضيع وأفكار علشان ياخذها بالحسبان لمن يجهز الخطب حقته.

ايش رأيكم؟
ايش تقترحون؟

بحط افكاري بالتعليقات.

---

ردي:

يتكلم مثلا عن التطوع، وعن مبادرات ممكن أهل الحي يشاركون فيها.
مثلا كل مجموعة يتفقون ويصير كل يوم سواق واحد منهم يجمع الاكل الزايد ويتصدق فيه.
او مثلا يقترح نظام ان اذا فيه احد بالحي كويس بشغلة يصير مرجعية الحي بهذي الشغلة

ادري أفكار خايسة بس قاعد افكر بصوت عالي

يتكلم مثلا عن الحرفية وعن ان الشعب لازم يكون عنده توجه انه يصنع اشياء بيده وأننا ما نحتاج عمال يسوون الاشياء البسيطة.
ويتكلم عن انه لازم يكون فيه ثقة بالمنتج الوطني وأننا ندعم الوطن لو شرينا منتجات وطنية. ويتكلم عن انه موب عيب انك تشتغل وظيفة بسيطة في مصنع لأنك تصنع شي الناس تستخدمه واذا سويته كويس بيدعون لك.

يتكلم عن أهمية العلم
ويجيب أمثلة لعلماء مسلمين وسعوديين وإنجازاتهم وكيف ان كل احد يقدر يصير مثلهم.

ويتكلم عن أهمية القراءة والاطلاع وتوسيع المدارك.

يتكلم عن التعبير عن الرأي سواء برسمة أو بلحن او بمقالة.
(ممكن يقول انه ما يحلل الأغاني لأنها برأيه حرام، لكن الفكرة ان الشخص يعبر باللي يشوفه مناسب وفق حدود الدين)

---

رد نجلاء النمير:

يتكلم عن فقه الاختلاف وسعة الدين..
يتكلم عن الفرق بين النصيحة والوصاية والتدخل في النوايا..
يتكلم عن تنمية حس الرقابة الذاتية عند الأبناء وأهميتها..
يتكلم عن انعكاس الصلاة على أخلاقنا وتعاملاتنا اليومية..
يتكلم عن أهمية تربية الأبناء على معرفة الفرق بين الحلال والحرام والعيب..
يتكلم عن تنمية حس التعاطف وتقبل الآخر..
يتكلم عن انعكاس الدين ككل على أخلاق المسلم، الانضباط في الوقت، الصدق حتى في الصغائر، عدم التدخل في شؤون الغير، النظافة الشخصية ونظافة الأماكن العامة المستخدمة، عدم الإسراف في الوضوء والماء، الانتظام في الصفوف واحترام الغير في التعامل والنداء..
يتكلم عن دورنا في عمارة الأرض، وموب كل مسلم محافظ لازم يصير عالم دين، ممكن يكون طبيب ومهندس وباحث ومصمم ومصور وفنان ويبدع في مجاله ويثري معلومات غيره وإن كل واحد مهم يكون عنده هدف في الحياة يسعى له بالإضافة لسعيه للآخرة..

---

رد مهند طهبوب:

اهلا. فكرة جميلة.

أقترح إنو يصير في الخطبة لقاء تفاعلي.. يعني الخطيب ممكن يتكلم في الخطبة و يكون تفاعل الناس او ردهم بعد الانتهاء من الصلاة. مثال الشيخ يتكلم عن الوظائف و البطالة و يطلب من رجال الأعمال انهم يبقو في المسجد بعد الصلاة و الي يحتاج وظيفة يبقى بعد الصلاة و كذا ينربط طالب الوظيفة بصاحب العمل في حركة سلسة جدا. كمان ممكن يتم طرح مشاكل الحي في الخطبة مثل وجود حفرة في الشارع الفلاني او عدم وجود صيدلية في الشارع العلاني و بعد الصلاة يتم العمل على حل الموضوع. اضافة لامكانية طرح افكار و دعوة الناس لمناقشتها في حلقان اجتماعية بعد كل جمعة

---

رد روبي:

أقصر خطبة في التاريخ للشيخ عبد القادر الجيلاني منذ ألف عام تقريباً..
صعد المنبر و قال: لقمة في بطن جائع خير من بناء ألف جامع.. و خير ممن كسا الكعبة وألبسها البراقع..
و خير ممن قام لله راكع..
و خير ممن جاهد للكفر بسيف مهند قاطع..
و خير ممن صام الدهر والحر واقع..
و إذا نزل الدقيق في بطن جائع له نور كنور الشمس ساطع..
فيــــــا بُشرى لمن أطعم جائع..
(وخير الكلامِ ما قل ودل)

---

ردي:

ترا قاعد اقرأ ردودكم وانا منبهر جدًا.
بصور الشاشة بكرة وبرسل الكلام للشيخ.

---

رد سعيد الغامدي:

-التعايش
-السرد التاريخي وربطه بالواقع، خصوصًا إذا فيه تشابه كبير في الأحداث
-الالتزام بشكل عام (العمل، الوقت، الدراسة… إلخ)
-الاقتصاد في الصرف (مناسبة في هذا الوقت)
-المبادئ الإسلامية/الإنسانية العامة كسرد سريع (الكرم، الإحسان… إلخ)
-تهيئة الشباب على تحمل المسؤولية ومشاركة الوالدين في هذا الشي
-فنون عامة للتعامل (الابتسامة، التواصل… إلخ)

طبعًا هذا باعتبار إنه خطيب ممتاز وما يقرأ من الأوراق اللي معاه بشكل ممل

---

ردي:

يتكلم عن ان الشباب لازم يتعلمون الطبخ والمهارات الاساسية اللي تصير بالبيت
غسيل ملابس وتنظيف البيت.
وان الزوجين يتعاونون في الاعمال هذي موب بس تكون على عاتق الزوجة.

---

رد أحمد الحداد:

ترشيد الاستهلاك خصوصاً في الكهرباء والماء ويستذكر الآيات والاحاديث في هذا الجانب ويستعرض ازمة المياه واننا في صحراء (بس تكفى قبلها يتأكد ان الترشيد مطبق في المسجد نفسه خصوصاً دورات المياه)
حفظ النعمه مع التعريف بخدمات حفظ النعمه مثل اطعام ودار الخير
السلامه المرورية واخلاق القياده

كذلك عن الاهتمام بالصحه وخطورة التدخين والاكلات غير الصحية

---

رد آلاء الردادي:

حسن الظن حسن الظن حسن الظن بالناس وتصرفاتهم وعدم التدخل بالنوايا ..

---

ردي:

المساواة بين الناس
موب علشانه سواق عندي يعني انا احسن منه واشوف نفسي عليه.

بقترح بعد يصير فيه ترجمة للخطب بعد الصلاة

الاكل الصحي والرياضة

يتكلم بعد عن ان العبادات تجي بأشكال كثيرة. وان ممكن الشخص يتعبد الله بإنه يشد حيله بدراسته او بإنه يخلص في عمله او بمجرد ان نيته يكون شخص صالح ويسعى للخير

---

رد عاصم المقرن:

جميل جدا

هذا ما يجب أن تكون عليه خطبة الجمعة، أن تلامس احتياجات الناس!

وهذا يندرج تحت مفهوم توسيع مصطلح الموعظة من النظرة القرآنية، فالله سبحانه وصف القران بما فيه من خطاب الترهيب والترغيب والأحكام الشخصية وأحكام المعاملات مما فيه صلاح الدنيا والدين بأنه موعظة (قد جاءتكم موعظة من ربكم)

على فكرة، الشيخ عبدالعزيز السويدان في جامع أسيد بن حضير كثير ما يخطب عن هذه المواضيع لكن من منظور شرعي ويأصلها تأصيل جميل جدا

---

رد الشيخ صلاح الزيات بعد ما أرسلت له الإقتراحات:

في هذا الوقت قبل 3 سنوات،
كانت فترة أسعد صباحاتي.
كنت اصحى بدري مرة،
وأروح الدوام وانا مبسوط بشكل مُلفت للنظر!
كنا نداوم بالباص وكانوا العيال يهاوشوني يقولون احترم الناس اللي حولك ما يصلح تصير فرحان الساعة سبع الصباح😂
زود على اني كنت فرحان، كنت راضي عن نفسي بشكل كبيييير.

السر كان في ان أنتم عندي في باث.
كان اول شي اسويه لمن اقوم (قبل ما اقوم من السرير) هو اني أخذ لفة خمس دقايق في باث.
أشوف أخباركم ويومياتكم الونيسة، أشوف إنجازاتكم اللي ترفع الرأس، أشوف نكتكم الظريفة. والأهم من هذا كله، كنت كل ما اقوم من النوم اتفكر في قد ايش انا محظوظ فيكم ❤️.

حرفيًا، كل واحد فيكم لي معاه قصة لطيفة أو موقف جميل.
وجودكم حولي سعادة ما بعدها.
أحبكم كلكم بلا استثناء 💗

الموضوع اللي بتكلم عنه هو تأثير صناعتين على التقنية والإنترنت.
1- الحرب
2- الأفلام الإباحية
(بتكلم عن إيجابياتهم بدون الالتفات الى السلبيات والأمور الغير أخلاقية لأننا كلنا متفقين (أقلها ك مسلمين) انها غلط)

الحرب تأثيرها واضح جدا!
بسبة الحروب اللي صارت، وحتى بسبة الإنفاق في تطوير الجيش، تطورت اشياء كثير في البنية التحتية للإنترنت وفي التنقيات المتطورة بحفظ الأسرار او الوصول لها.
الانترنت من اصله كان مشروع بحثي لوزارة الدفاع الامريكية. ومن بعدها صار فيه سباق بين الدول في تحسين وسائل الإتصال وتقنيات التشفير. برضو فيه اساليب التهكير، صناعة ونشر الفايروسات، وتقنيات الحماية منها.

الشغلة الثانية اللي ودي أوضح لكم تأثيرها اللي هي صناعة المواد والأفلام الإباحية.
مافي احصائية دقيقة لنسبة المحتوى الإباحي بالإنترنت، لكن كثير يقولون انه اكثر من يوتيوب بمراحل.
متخيلين قد ايش حجم يوتيوب؟ المواد الاباحية بالإنترنت أكثر منه!
قريت قبل فترة انه ينزل فلم إباحي كل 35 ثانية تقريبا.
الصناعة نفسها عجيبة جدًا وممكن نتعلم منها دروس كثيرة.
فيه أكثر من 3000 موقع اباحي بالإنترنت. أكبر واحد فيهم (PornHub) ينزل تقرير سنوي، ويذكر فيه عدد المشاهدات.
تخيلوا ان في 2016 بس، صار فيه 93 مليار مشاهدة. يعني تقريبا 12.4 فيديو تمت مشاهدته لكل شخص بالأرض!
وهذا الموقع تجيه 64 مليون زيارة يوميًا. وأبدًا موب سهل انك تستقبل هذا العدد من الزوار وتحتاج تصرف كثير على بنيتك التحتية علشان تقدر توفر تجربة سلسة لزوارك.
هذي بس احصائيات موقع واحد، ف ما بالكم بالباقي.

هذي المواقع الاباحية، قاعدة تصرف فلوس كثير علشان تطور تقنيات تساعدها في تخزين محتواها على الانترنت، وبثه لجميع أنحاء العالم بشكل سريع ومناسب لجميع الأجهزة.
وممكن فيه تقنيات تنتشر اذا استخدموها منتجين المواد الاباحية، وتندثر اذا ما أعجبتهم.

بعطيكم أمثلة وأشياء تفكرون فيها:
1- تدرون انه اول ما نزلت اشرطة الفيديو (VHS) كان فيه منافس لها اسمه بيتاماكس؟ اللي خلا VHS تنتشر هو ان منتجين الأفلام الاباحية اختاروا ينزلون أفلامهم عليها. ما امزح. طبعا موب السبب الوحيد، لكن ما استبعد لو كان السبب الأكبر!

2- فكرة انك تقدر تفتح مقاطع اباحية بجوالك، موضوع موب هين أبد. تدخل فيه تقنيات في ضغط الفيديوهات، وتحويلها الى صيغة يدعمها الجوال. الحين الناس ما صارت تهتم للموضوع كثير لأن التقنية موجودة، لكن المواقع الاباحية هي من أوائل المواقع اللي وفرت فيديوهاتها للجوال. ف ساهموا كثير في تشكيل التقنية حسب احتياجهم.

3- ما اعرف كم فيديو مرفوع على pornhub، لكن اكيد عدد مهول. هذي الفيديوهات لازم تتخزن في مكان معين، وتنتقل من سيرفراتهم الى جهازك. هنا برضو فيه تعقيدات كثير وفيه تقنيات متعددة داخلة بالموضوع، والشركات المشهورة بهذي التقنيات قاعدة تقول ان المواقع الاباحية من أكبر زبائنهم وأنهم يفصلون كثير من منتجاتهم حسب حاجة هذي المواقع.

4- فكروا بعد بالتقنيات اللي تستخدم في محاربة المواد الاباحية. سواء كانت الاشياء الممنوعة زي اللي فيها أطفال، أو فلترة المواد الاباحية من المواقع اللي ما تستضيف هذي المواد.
قوقل مثلا عنده خوازميات متخصصة في البحث عن المواد الاباحية وحذفها من يوتيوب، او حتى التبليغ عن المواد الاباحية اللي فيها أطفال ومنعها من انها تطلع في محرك البحث.

5- فيه أنواع كثيرة للمحتوى الإباحي (صوت، صورة، كتابة، فيديو) وفيه شي اسمه camgirls. هذول بنات يفتحون كاميرا ويبثون فيها محتوى اباحي بشكل مباشر. تخيلوا بس ايش التقنيات اللي داخلة بهالموضوع!

6- فرنسا كان عندها شي منافس للإنترنت اسمه minitel. بدا ك دليل تلفونات، وتحول الى غرف شات. اللي خلاها تنتشر في فرنسا هو وجود غرف شات اباحية كثير. سمعت عنها بودكاست بحط رابطه تحت.

7- معلومة شاطحة: في دهاليز الانترنت المخفية، تستخدم المواد الاباحية ك عملة. ابيك تعطيني حشيش وبعطيك بدالها فلم اباحي أطفال، وكذا. وهذا اللي صار لمن تسربت صور للممثلات وهم مفصخين. الصور كانت مسروقة من زمان وتستخدم ك عملة. جا واحد تهاوش مع واحد ثاني ونزل الصور اللي عنده بالنت، ومن بعدها فقدت العملة قيمتها وكل أحد نزل اللي عنده وصار the fappening

انا موب احسن واحد يتكلم بهالمجال، ومعلوماتي فيه محدودة جدًا. (+ مدري ايش مفروض تعرفون اني اعرف 🌚)
وبطبيعة الحال، مستغرب جدًا من الموضوع.
لكن فعلا كل ما اقرأ أكثر، كل ما أنبهر أكثر.
وعجيب جدًا لمن تستوعبون ان كثير ناس أذكياء مرة وعباقرة قاعدين يشتغلون في بناء بنية تحتية وتطوير تقنيات علشان مواقع اباحية.

ذكرت سالفة الحرب علشان أوضح انه:
زي ما ان احنا عندنا طيران سريع بسبة ان الجيوش طورت هذي التقنيات، احنا قاعدين نشوف فيديوهات على جوالنا لأن منتجين المواقع الاباحية طوروا هذي التقنيات.
رابط التقرير اللي ذكرته فوق: (موب محجوب بالسعودية)

Pornhub’s 2016 Year in Review

رابط البودكاست

#10 The French Connection

رابط بودكاست ثاني يتكلم عن هل المواد الاباحية على الانترنت شي زين والا شين:
https://www.google.com/amp/s/www.marketplace.org/amp/2015/11/18/tech/codebreaker-it-evil-ep-2-internet-porn?client=safari
هذي مقالتين يتكلمون عن تجارة الأفلام الاباحية من ناحية اقتصادية:
1- http://fusion.net/story/212078/how-mindgeek-transformed-the-economics-of-porn/
2- http://www.slate.com/articles/technology/technology/2014/10/mindgeek_porn_monopoly_its_dominance_is_a_cautionary_tale_for_other_industries.html