لست بدويًّا

كنت أقرأ كتاب لغازي القصيبي (في عين العاصفة)
وفتح مخي لشغلة مهمة

كثير من السعودية .. خصوصا المنطقة الشرقية .. جاها غزو فكري بدوي.

كثير من الأجانب .. وحتى السعوديين.. ينظرون للسعوديين على ان أصلهم بدو راحلة يتنقلون بالجمال.
واغلب المنتجات الثقافية على هالأساس (شعر نبطي، عرضة، شيلات، الخ..)

طيب ياخي موب كل احد كان بدوي.

فيه البحَّارة وفيه المزارعين، هذا غير انه موب كل البدو نوع واحد. بدو الشمال غير عن بدو نجد، غير حتى بدو الهجر اللي بحدود قطر (المرة والهواجر)

دحوم اخوي .. وكثير من عيال خالي .. جاتهم النزعة البدوية لأنهم اختلطوا بناس حسسوهم ان احنا عرب بدو واصلنا نعيش بخيام بالبر. ليش كذا؟
وين راحت حضارة البحر. ثقافة صيد اللولو والمحار. وين راحت حضارة الزراعة. ثقافة خرف النخل وزراعة الجح واللومي.

ليش ما بدال ما نروح البر، نروح المزرعة؟ او البحر؟
ليش ما بدال ما نغني شيلات.. نغني اوه يا مال؟

ادري اني أتكلم من جيبي/كيسي وفي ما لا افقه
لكن اكاد اجزم ان اجدادي اللي (الى جد جدي) ما كانوا بدو ولا عمرهم تنقلوا في قوافل البعير.
وهذا حال كثير من أهل شرق الجزيرة العربية.

View on Path

عن سطحية الأرض

اعرف انه موب سهل الواحد يغير قناعات تربى عليها وكان يؤمن فيها من طفولته. واحب أوضح لكم ايش صار معاي.

من وحنا صغار واحنا ندرس بالمدرسة ان الأرض كروية،
وكنت وقتها مؤمن بهذا المعتقد.
كنت اسمع بعد ان فيه رأي يقول ان الارض مسطحة، لكن كنت ساذج وتجاهلته.

لكن من فترة قريبة، صارت الآراء تتكرر علي بشكل اكثر.
من علماء علوم طبيعية، ومن فقهاء اسلاميين بعد.

الموضوع شدني، واستثمرت جزء لا يستهان به من وقتي في اني أقرأ أكثر عن آرائهم وأدلتهم العلمية والدينية. كنت أحسبهم خرّاطين لكن طلع الموضوع اكبر من كذا.

اكتشفت ان المجامع العلمية تبنت فكرة كروية الارض لاعتبارات الأمانة والدقة العلمية مع تهميش رأي الناس اللي تؤمن بأنها مسطحة وإقامة حرب علمية عليهم.

اعرف انكم منصدمين. انا كنت منصدم بعد. لكن خلاص توصلت لقناعة بالموضوع وعرفت ليش صار كل شي.

القناعة اللي توصلت لها ان هذول الناس لا يفقهون شيئًا مما يقولون. تحسبني مغفل بقول ان الارض مسطحة؟ والله ان تبطي. الزبدة هذا كان مقلب أربعة رجب. لا تضحك علشان ما يخرب المقلب وكذا. ترا ارسلتها وانا ميت ضحك. لا تلومني. تعرف اني غريب ونيرد وحس الدعابة عندي غير.

من الظهر وانا افكر كيف أصيغ الكلام لكم بطريقة توصل الرسالة بطريقة واضحة وبدون ما يتشخصن الموضوع.

شكرًا لكم ❤️

الانشغال أثناء القيادة

بمناسبة أسبوع المرور بعطيكم وجهة نظري:

كل شخص عنده قدرة معينة على التركيز، تختلف من شخص لآخر.
وكل عمل نسويه يتطلب مننا نسبة معينة من هذا التركيز، حسب قدراتنا احنا وحسب عوامل كثيرة.
(Cognitive ability)

يعني مثلا:
السواقة بسرعة 50 كلم تتطلب شخص تركيز 70% ومن شخص ثاني 50%.
لو تختلف السرقة تختلف نسبة التركيز المطلوبة.

نفس الشيء مع السوالف واستخدام الجوال.
كلهم يحتاجون نسبة تركيز معينة مختلفة حسب الظروف وحسب قدرة الشخص نفسه.

وطبعا فيه شي مهم، اللي هو قدرة الدماغ على التحول من مهمة الى مهمة بشكل سلس (multitasking). طبعا القدرة هذي تختلف بشكل كبير بين شخص وشخص. ممكن نعتبرها انها مهمة وتحتاج نسبة معينة من التركيز بعد.

كل شخص يتكلم عن موضوع استخدام الجوال على انه يشتتك عن السواقة. لانهم يتوقعون لازم تعطي السواقة 100% من تركيزك. هذا الشي واقعيا غلط.
انت مفروض تعطي السواقة 100% من التركيز اللي السواقة تحتاجه.

يعني مثلا لو انت تركيزك 10 وحدات قياس.
السواقة تتطلب منك معدل 5 وحدات، والتحويل بين المهمات يتطلب منك وحدتين تركيز، ف انت عندك 3 وحدات على الأكثر تقدر تسوي فيهم اللي تبي. بالتالي، اذا بتسوي شي بالجوال يتطلب منك 3 وحدات او اقل ف عادي سوه.

ترا علشان كذا الواحد اذا ضيع الطريق يترك الجوال ويطفي المسجل ويسكت اللي حوله، لانه يصير يعطي السواقة تركيز اكثر لدرجة ما تسمح له انه يسوي اي شي ثاني.
***تحذير***
الكلام الوارد هنا من كيسي، وأنا وغير مسؤول عنه بتاتًا البتة.

عن: جامعة عين دار

(1)
واحد من الأشياء اللي من وانا بالثانوي افكر فيها هو اني اوفر فرص تعليمية لأهل القرى والهجر:

واحد من الأفكار كانت اني استلم قرية معينة،
واتفق مع STC انهم يوصلون لهم نت سريع.
ويصير ندرب شباب وبنات القرية على الكمبيوتر والبرمجة. وكنت احس انهم ممكن يصيرون فلتات ويتقنون الحرفة مرة لأن ما عندهم أشياء كثير تشتتهم. وكنت احس انه ممكن يطلع من وراهم مشاريع بومجية ممتازة مرة.

 

(2)
بعد ما رجعت من امريكا، تطورت الفكرة اكثر.
حبيت نظام المدن الجامعية.
وصرت ابي اروح لوحدة من هذي القرى،
وآخذ منهم أرض كبيرة مرة
وأخطط لجامعة تنبني فيها، ولمدينة تنبني علشان الجامعة.
وأنقل تجربة المدينتين الجامعيتين اللي عشت فيهم بأمريكا.

أحس فكرة انك تسوي مدينة جديدة بتساعدك انك تحط المعايير اللي تبيها بدون ما تصير مرتبط بالمعايير اللي الناس متعودة عليها.
وتصير فرصة كبيرة لإنك تحدث ثورة تعليمية واجتماعية، الخ.

 

(3)
ف صرت كل ما امسك طريق الرياض اقرأ اسماء القرى والهجر اللي بالطريق واختار وحدة منهم اسمها ينفع يصير جامعة.
وأحاول انطق الاسم بأكثر من لسان وكذا 😂
يعني اذا مرينا من صلاصل اقعد افكر بإسم جامعة صلاصل واشوف اذا ينفع او.

وأخيرًا وصلت لجواب…

جامعة عين دار 😍

 

(4)
يالله الحين باقي يصير عندي ٥٠ مليار (مع مراعاة فارق التضخم)
وثقة البنوك وأصحاب الأموال ومسؤولين الدولة
ونأخذ فلوس من كل أحد ونسويها مساهمة خيرية
ونبني الجامعة
ونعيش سعداء مرتاحي البال

 

(5)

واحد من تطورات الفكرة كان إننا نخلي القرى يعتمدون على نفسهم بأشياء واجد.

مثلا نروح لقرية مافيها عيادة ونقول لهم راح نبني لكم مستوصف لكن نبي موظفين المستوصف يكونون من اهل القرية
ف ناخذ مجموعة من عندهم ونعلمهم وندربهم انهم يصيرون أطباء وممرضين ومسعفين وغيرها.
او نقول بنسويلكم مدرسة لكن نبي بعد عدد معين من السنوات يصير طاقم المدرسة منكم.

الخ

بخصوص خطبة الجمعة

#نقاش
#خطبةالجمعة

من زمان وانا في بالي فكرة ان المسجد مفروض يكون مدرسة اجتماعية موب بس مدرسة دينية. وكنت اتمنى اشوف بعض المشايخ يتكلمون في خطب الجمعة عن مواضيع يحتاجها أهل الحي ومواضيع تساهم في نهضة الأمة.
يعني بدال ما يتكلم الشيخ في قضايا دينية ممكن يكون فيها اختلاف، او تأثيرها يكون قليل، او يستخدم نفس الآيات والأحاديث اللي كلنا حافظينها ونسمعها من واحنا صغار، يصير يتكلم عن مواضيع مختلفة. ويصير يخاطب العقل والمنطق والعاطفة، موب بس يكون إلقاء سردي لأدلة وآثار دينية.
او حتى لو استخدم نفس المواضيع التقليدية، يصير يتكلم عنها من نظرة اجتماعية وعلمية واقتصادية وتاريخية موب بس نظرة دينية.

ف تكلمت مع خطيب الجامع اللي عند بيتنا، وتفاعل معاي، بس قال يبغاني اجهز له مواضيع وأفكار علشان ياخذها بالحسبان لمن يجهز الخطب حقته.

ايش رأيكم؟
ايش تقترحون؟

بحط افكاري بالتعليقات.


ردي:

يتكلم مثلا عن التطوع، وعن مبادرات ممكن أهل الحي يشاركون فيها.
مثلا كل مجموعة يتفقون ويصير كل يوم سواق واحد منهم يجمع الاكل الزايد ويتصدق فيه.
او مثلا يقترح نظام ان اذا فيه احد بالحي كويس بشغلة يصير مرجعية الحي بهذي الشغلة

ادري أفكار خايسة بس قاعد افكر بصوت عالي

يتكلم مثلا عن الحرفية وعن ان الشعب لازم يكون عنده توجه انه يصنع اشياء بيده وأننا ما نحتاج عمال يسوون الاشياء البسيطة.
ويتكلم عن انه لازم يكون فيه ثقة بالمنتج الوطني وأننا ندعم الوطن لو شرينا منتجات وطنية. ويتكلم عن انه موب عيب انك تشتغل وظيفة بسيطة في مصنع لأنك تصنع شي الناس تستخدمه واذا سويته كويس بيدعون لك.

يتكلم عن أهمية العلم
ويجيب أمثلة لعلماء مسلمين وسعوديين وإنجازاتهم وكيف ان كل احد يقدر يصير مثلهم.

ويتكلم عن أهمية القراءة والاطلاع وتوسيع المدارك.

يتكلم عن التعبير عن الرأي سواء برسمة أو بلحن او بمقالة.
(ممكن يقول انه ما يحلل الأغاني لأنها برأيه حرام، لكن الفكرة ان الشخص يعبر باللي يشوفه مناسب وفق حدود الدين)


رد نجلاء النمير:

يتكلم عن فقه الاختلاف وسعة الدين..
يتكلم عن الفرق بين النصيحة والوصاية والتدخل في النوايا..
يتكلم عن تنمية حس الرقابة الذاتية عند الأبناء وأهميتها..
يتكلم عن انعكاس الصلاة على أخلاقنا وتعاملاتنا اليومية..
يتكلم عن أهمية تربية الأبناء على معرفة الفرق بين الحلال والحرام والعيب..
يتكلم عن تنمية حس التعاطف وتقبل الآخر..
يتكلم عن انعكاس الدين ككل على أخلاق المسلم، الانضباط في الوقت، الصدق حتى في الصغائر، عدم التدخل في شؤون الغير، النظافة الشخصية ونظافة الأماكن العامة المستخدمة، عدم الإسراف في الوضوء والماء، الانتظام في الصفوف واحترام الغير في التعامل والنداء..
يتكلم عن دورنا في عمارة الأرض، وموب كل مسلم محافظ لازم يصير عالم دين، ممكن يكون طبيب ومهندس وباحث ومصمم ومصور وفنان ويبدع في مجاله ويثري معلومات غيره وإن كل واحد مهم يكون عنده هدف في الحياة يسعى له بالإضافة لسعيه للآخرة..


رد مهند طهبوب:

اهلا. فكرة جميلة.

أقترح إنو يصير في الخطبة لقاء تفاعلي.. يعني الخطيب ممكن يتكلم في الخطبة و يكون تفاعل الناس او ردهم بعد الانتهاء من الصلاة. مثال الشيخ يتكلم عن الوظائف و البطالة و يطلب من رجال الأعمال انهم يبقو في المسجد بعد الصلاة و الي يحتاج وظيفة يبقى بعد الصلاة و كذا ينربط طالب الوظيفة بصاحب العمل في حركة سلسة جدا. كمان ممكن يتم طرح مشاكل الحي في الخطبة مثل وجود حفرة في الشارع الفلاني او عدم وجود صيدلية في الشارع العلاني و بعد الصلاة يتم العمل على حل الموضوع. اضافة لامكانية طرح افكار و دعوة الناس لمناقشتها في حلقان اجتماعية بعد كل جمعة


رد روبي:

أقصر خطبة في التاريخ للشيخ عبد القادر الجيلاني منذ ألف عام تقريباً..
صعد المنبر و قال: لقمة في بطن جائع خير من بناء ألف جامع.. و خير ممن كسا الكعبة وألبسها البراقع..
و خير ممن قام لله راكع..
و خير ممن جاهد للكفر بسيف مهند قاطع..
و خير ممن صام الدهر والحر واقع..
و إذا نزل الدقيق في بطن جائع له نور كنور الشمس ساطع..
فيــــــا بُشرى لمن أطعم جائع..
(وخير الكلامِ ما قل ودل)


ردي:

ترا قاعد اقرأ ردودكم وانا منبهر جدًا.
بصور الشاشة بكرة وبرسل الكلام للشيخ.


رد سعيد الغامدي:

-التعايش
-السرد التاريخي وربطه بالواقع، خصوصًا إذا فيه تشابه كبير في الأحداث
-الالتزام بشكل عام (العمل، الوقت، الدراسة… إلخ)
-الاقتصاد في الصرف (مناسبة في هذا الوقت)
-المبادئ الإسلامية/الإنسانية العامة كسرد سريع (الكرم، الإحسان… إلخ)
-تهيئة الشباب على تحمل المسؤولية ومشاركة الوالدين في هذا الشي
-فنون عامة للتعامل (الابتسامة، التواصل… إلخ)

طبعًا هذا باعتبار إنه خطيب ممتاز وما يقرأ من الأوراق اللي معاه بشكل ممل


ردي:

يتكلم عن ان الشباب لازم يتعلمون الطبخ والمهارات الاساسية اللي تصير بالبيت
غسيل ملابس وتنظيف البيت.
وان الزوجين يتعاونون في الاعمال هذي موب بس تكون على عاتق الزوجة.


رد أحمد الحداد:

ترشيد الاستهلاك خصوصاً في الكهرباء والماء ويستذكر الآيات والاحاديث في هذا الجانب ويستعرض ازمة المياه واننا في صحراء (بس تكفى قبلها يتأكد ان الترشيد مطبق في المسجد نفسه خصوصاً دورات المياه)
حفظ النعمه مع التعريف بخدمات حفظ النعمه مثل اطعام ودار الخير
السلامه المرورية واخلاق القياده

كذلك عن الاهتمام بالصحه وخطورة التدخين والاكلات غير الصحية


رد آلاء الردادي:

حسن الظن حسن الظن حسن الظن بالناس وتصرفاتهم وعدم التدخل بالنوايا ..


ردي:

المساواة بين الناس
موب علشانه سواق عندي يعني انا احسن منه واشوف نفسي عليه.

بقترح بعد يصير فيه ترجمة للخطب بعد الصلاة

الاكل الصحي والرياضة

يتكلم بعد عن ان العبادات تجي بأشكال كثيرة. وان ممكن الشخص يتعبد الله بإنه يشد حيله بدراسته او بإنه يخلص في عمله او بمجرد ان نيته يكون شخص صالح ويسعى للخير


رد عاصم المقرن:

جميل جدا

هذا ما يجب أن تكون عليه خطبة الجمعة، أن تلامس احتياجات الناس!

وهذا يندرج تحت مفهوم توسيع مصطلح الموعظة من النظرة القرآنية، فالله سبحانه وصف القران بما فيه من خطاب الترهيب والترغيب والأحكام الشخصية وأحكام المعاملات مما فيه صلاح الدنيا والدين بأنه موعظة (قد جاءتكم موعظة من ربكم)

على فكرة، الشيخ عبدالعزيز السويدان في جامع أسيد بن حضير كثير ما يخطب عن هذه المواضيع لكن من منظور شرعي ويأصلها تأصيل جميل جدا


رد الشيخ صلاح الزيات بعد ما أرسلت له الإقتراحات:

عن أصدقاء باث الجميلين

في هذا الوقت قبل 3 سنوات،
كانت فترة أسعد صباحاتي.
كنت اصحى بدري مرة،
وأروح الدوام وانا مبسوط بشكل مُلفت للنظر!
كنا نداوم بالباص وكانوا العيال يهاوشوني يقولون احترم الناس اللي حولك ما يصلح تصير فرحان الساعة سبع الصباح😂
زود على اني كنت فرحان، كنت راضي عن نفسي بشكل كبيييير.

السر كان في ان أنتم عندي في باث.
كان اول شي اسويه لمن اقوم (قبل ما اقوم من السرير) هو اني أخذ لفة خمس دقايق في باث.
أشوف أخباركم ويومياتكم الونيسة، أشوف إنجازاتكم اللي ترفع الرأس، أشوف نكتكم الظريفة. والأهم من هذا كله، كنت كل ما اقوم من النوم اتفكر في قد ايش انا محظوظ فيكم ❤️.

حرفيًا، كل واحد فيكم لي معاه قصة لطيفة أو موقف جميل.
وجودكم حولي سعادة ما بعدها.
أحبكم كلكم بلا استثناء 💗

تأثير صناعة المواد الإباحية على التقنية والإنترنت

الموضوع اللي بتكلم عنه هو تأثير صناعتين على التقنية والإنترنت.
1- الحرب
2- الأفلام الإباحية
(بتكلم عن إيجابياتهم بدون الالتفات الى السلبيات والأمور الغير أخلاقية لأننا كلنا متفقين (أقلها ك مسلمين) انها غلط)

الحرب تأثيرها واضح جدا!
بسبة الحروب اللي صارت، وحتى بسبة الإنفاق في تطوير الجيش، تطورت اشياء كثير في البنية التحتية للإنترنت وفي التنقيات المتطورة بحفظ الأسرار او الوصول لها.
الانترنت من اصله كان مشروع بحثي لوزارة الدفاع الامريكية. ومن بعدها صار فيه سباق بين الدول في تحسين وسائل الإتصال وتقنيات التشفير. برضو فيه اساليب التهكير، صناعة ونشر الفايروسات، وتقنيات الحماية منها.

الشغلة الثانية اللي ودي أوضح لكم تأثيرها اللي هي صناعة المواد والأفلام الإباحية.
مافي احصائية دقيقة لنسبة المحتوى الإباحي بالإنترنت، لكن كثير يقولون انه اكثر من يوتيوب بمراحل.
متخيلين قد ايش حجم يوتيوب؟ المواد الاباحية بالإنترنت أكثر منه!
قريت قبل فترة انه ينزل فلم إباحي كل 35 ثانية تقريبا.
الصناعة نفسها عجيبة جدًا وممكن نتعلم منها دروس كثيرة.
فيه أكثر من 3000 موقع اباحي بالإنترنت. أكبر واحد فيهم (PornHub) ينزل تقرير سنوي، ويذكر فيه عدد المشاهدات.
تخيلوا ان في 2016 بس، صار فيه 93 مليار مشاهدة. يعني تقريبا 12.4 فيديو تمت مشاهدته لكل شخص بالأرض!
وهذا الموقع تجيه 64 مليون زيارة يوميًا. وأبدًا موب سهل انك تستقبل هذا العدد من الزوار وتحتاج تصرف كثير على بنيتك التحتية علشان تقدر توفر تجربة سلسة لزوارك.
هذي بس احصائيات موقع واحد، ف ما بالكم بالباقي.

هذي المواقع الاباحية، قاعدة تصرف فلوس كثير علشان تطور تقنيات تساعدها في تخزين محتواها على الانترنت، وبثه لجميع أنحاء العالم بشكل سريع ومناسب لجميع الأجهزة.
وممكن فيه تقنيات تنتشر اذا استخدموها منتجين المواد الاباحية، وتندثر اذا ما أعجبتهم.

بعطيكم أمثلة وأشياء تفكرون فيها:
1- تدرون انه اول ما نزلت اشرطة الفيديو (VHS) كان فيه منافس لها اسمه بيتاماكس؟ اللي خلا VHS تنتشر هو ان منتجين الأفلام الاباحية اختاروا ينزلون أفلامهم عليها. ما امزح. طبعا موب السبب الوحيد، لكن ما استبعد لو كان السبب الأكبر!

2- فكرة انك تقدر تفتح مقاطع اباحية بجوالك، موضوع موب هين أبد. تدخل فيه تقنيات في ضغط الفيديوهات، وتحويلها الى صيغة يدعمها الجوال. الحين الناس ما صارت تهتم للموضوع كثير لأن التقنية موجودة، لكن المواقع الاباحية هي من أوائل المواقع اللي وفرت فيديوهاتها للجوال. ف ساهموا كثير في تشكيل التقنية حسب احتياجهم.

3- ما اعرف كم فيديو مرفوع على pornhub، لكن اكيد عدد مهول. هذي الفيديوهات لازم تتخزن في مكان معين، وتنتقل من سيرفراتهم الى جهازك. هنا برضو فيه تعقيدات كثير وفيه تقنيات متعددة داخلة بالموضوع، والشركات المشهورة بهذي التقنيات قاعدة تقول ان المواقع الاباحية من أكبر زبائنهم وأنهم يفصلون كثير من منتجاتهم حسب حاجة هذي المواقع.

4- فكروا بعد بالتقنيات اللي تستخدم في محاربة المواد الاباحية. سواء كانت الاشياء الممنوعة زي اللي فيها أطفال، أو فلترة المواد الاباحية من المواقع اللي ما تستضيف هذي المواد.
قوقل مثلا عنده خوازميات متخصصة في البحث عن المواد الاباحية وحذفها من يوتيوب، او حتى التبليغ عن المواد الاباحية اللي فيها أطفال ومنعها من انها تطلع في محرك البحث.

5- فيه أنواع كثيرة للمحتوى الإباحي (صوت، صورة، كتابة، فيديو) وفيه شي اسمه camgirls. هذول بنات يفتحون كاميرا ويبثون فيها محتوى اباحي بشكل مباشر. تخيلوا بس ايش التقنيات اللي داخلة بهالموضوع!

6- فرنسا كان عندها شي منافس للإنترنت اسمه minitel. بدا ك دليل تلفونات، وتحول الى غرف شات. اللي خلاها تنتشر في فرنسا هو وجود غرف شات اباحية كثير. سمعت عنها بودكاست بحط رابطه تحت.

7- معلومة شاطحة: في دهاليز الانترنت المخفية، تستخدم المواد الاباحية ك عملة. ابيك تعطيني حشيش وبعطيك بدالها فلم اباحي أطفال، وكذا. وهذا اللي صار لمن تسربت صور للممثلات وهم مفصخين. الصور كانت مسروقة من زمان وتستخدم ك عملة. جا واحد تهاوش مع واحد ثاني ونزل الصور اللي عنده بالنت، ومن بعدها فقدت العملة قيمتها وكل أحد نزل اللي عنده وصار the fappening

انا موب احسن واحد يتكلم بهالمجال، ومعلوماتي فيه محدودة جدًا. (+ مدري ايش مفروض تعرفون اني اعرف 🌚)
وبطبيعة الحال، مستغرب جدًا من الموضوع.
لكن فعلا كل ما اقرأ أكثر، كل ما أنبهر أكثر.
وعجيب جدًا لمن تستوعبون ان كثير ناس أذكياء مرة وعباقرة قاعدين يشتغلون في بناء بنية تحتية وتطوير تقنيات علشان مواقع اباحية.

ذكرت سالفة الحرب علشان أوضح انه:
زي ما ان احنا عندنا طيران سريع بسبة ان الجيوش طورت هذي التقنيات، احنا قاعدين نشوف فيديوهات على جوالنا لأن منتجين المواقع الاباحية طوروا هذي التقنيات.
رابط التقرير اللي ذكرته فوق: (موب محجوب بالسعودية)

Pornhub’s 2016 Year in Review


رابط البودكاست

#10 The French Connection


رابط بودكاست ثاني يتكلم عن هل المواد الاباحية على الانترنت شي زين والا شين:
https://www.google.com/amp/s/www.marketplace.org/amp/2015/11/18/tech/codebreaker-it-evil-ep-2-internet-porn?client=safari
هذي مقالتين يتكلمون عن تجارة الأفلام الاباحية من ناحية اقتصادية:
1- http://fusion.net/story/212078/how-mindgeek-transformed-the-economics-of-porn/
2- http://www.slate.com/articles/technology/technology/2014/10/mindgeek_porn_monopoly_its_dominance_is_a_cautionary_tale_for_other_industries.html

الهدف والدافع

هل يجب أن يكون لأي شيء نفعله هدف؟

إستشرت بعض الأصدقاء في مشروع كنت أود العمل عليه. تساؤلهم الوحيد كان: ما هي أهدافك؟ لم يكن لدي هدف واضح في ذلك الوقت. دخلنا بعدها في نقاش طويل عما اذا كان يجب أن يكون هناك هدف لأي شيء نفعله.

سأطرح وجهة نظري هنا.

بداية، يجب أن نعرف أن أي فعل قد يحتوي على دافع وهدف. يكتفي بوجود أحدهم.

عندما تقوم بعمل معين، قد تكون هناك نتيجة تسعى لها. هذه النتيجة تعتبر هي الهدف، وفي غالب الأحيان: الدافع. في هذه الحاله، إذا كانت النتيجة هي -على الأقل- الهدف، فإن تنفيذ العمل يعتبر ناجح.

قد لا تكون لديك رؤية واضحة للمخرجات، بذلك قد لا يكون هناك هدف واضح تسعى له. لكن ذلك لا يمنعك من التنفيذ إذا توفر الدافع. ما يجعل وجود هدف شيء غير ضروري، هو أن هناك العديد من الدوافع التي تجعلنا نقوم بالعمل. مثل: “لأنني أشعر بذلك” أو “لأنني أستطيع” وغيرعا. الغريزة الفطرية هي دافع مهم أيضًا. في بعض الأحيان، قد نقوم بأعمال بدون أن نعترف بوجود دافع، لكن لو أمعنا التفكير سنجد واحدًا.

يمكن بسهولة تحويل الدافع الى هدف، لكن هل سيغير هذا من طبيعته؟ ليس بالضرورة. إذا تم تنفيذ فعل بناء على دافع، فإن قياس نجاح الفعل يعتبر نسبي. البعض يقيسها بناء على الفائدة المترتبه، وأخرون يعتبرون التطبيق ناجح مالم يؤدي إلى ضرر.

لا يمكن القول أن الفعل يكون أذكى أو أنفع إذا ارتبط بدافع. فهناك أعمال كثيرة نقوم بها بدون التفكير في هدف وقت تنفيذ العمل. نقوم بتنفيذها بدافع غريزي لمجرد أننا نعتقد أن العمل جميل أو ضروري. من المحتمل كثيرا أن يتولد الهدف عند التخطيط للعمل على فكرة.  بالتالي، يجب علينا أن لا نستبعد الفكرة لمجرد أنه لم يخطر ببالنا هدف وقت تنفيذها.

إجباتي على السؤال الأول: هل يجب أن يكون لأي شيء نفعله هدف؟ لا.

ماذا تعتقد أنت؟ هل ترى أنه من الغباء تنفيذ عمل بدون وجود هدف مسبق؟

تولين

هذه تغريدات لقصة احزنتني.

سأدونها هنا كي لا أفقدها، وكي أدعو لأصحاب الحادثة كلما دخلت الى المدونة.

 

لا أعرف أصحاب الحادثة أبدًا ولكنني إطلعت على التغريدات والهاشتاقات. والقصة صحيحة تمامًا.

 

التغريدات ابتدأت الساعة 5:57 مساء يوم الثلاثاء 05/14/2013 بتوقيت السعودية

 

بداية التغريدات:

@aooy_m سأحدثكم عن عائلة صديقتي تولين حمد الزامل – رحمها الله – لتدعوا لمن تبقى منهم بالصبر والثبات ( )

@aooy_m ولِتحمدوا الله على نعمة الأهل بينكم ولتستحقروا همومكم .. فلا شي أعظم من فقد حبيب تعلم بأنه لن يعود !

@aooy_m افتقدوا قبل حوالي ثلاث سنوات إيلين-رحمها الله – توأم تولين في حادث و كانت قرابة ال 17 سنه :”

@aooy_m وقبل 5 أشهر توفت نهى السليم والدة تولين .. وبعد ثلاثة أيام ارتفع الضغط والسكر عند والد تولين وتوفى !رحمهما الله

فما هو حال أبنائهم ياترى !!

@aooy_m بعدهم تولين كانت تتألم من بطنها فإذا بهم ينصدمون أنّ الكليتين تعطلت وتحتاج إلى متبرع في الحال تبرع لها أخيها محمد بكليته وكان قريباً قد تزوج

@aooy_m وأثناء عملية زراعة الكلية لتولين لم يتحمل جسمها العضو الجديد ودخلت في غيبوبة .. فُجعنا جميعاً بالخبر..  4 أيام صحت تولين وما أعظم فرحتنا (“

@aooy_m دانة الأخت الكبرى لتولين تسكن في أمريكا بسبب دراسة زوجها.. سافرت لتولين لأنها تعلم أنها متعبه وتريد البقاء بجانبها حتى تتشافى :”

@aooy_m أخبرتني دانة أنها تريد مفاجئة تولين .. تولين كانت تحب دانة لدرجة أنها أصبحت تناديها بِـ ماما 3/> كانت تتحدث معي وتقول : ياليت دانة تجي 🙁

@aooy_m أثناء وصول دانه للمطار أتاهاخبر أن تولين رجعت للغيبوبة مرة أخرى!!

وهكذا ف تولين دخلت 4مرات للغيبوبة ترجع تصحى يوم يومين ومن ثم تغيب عن الوعي

@aooy_m أرسلت أوراقها لأمريكا قالوا يوجد بها كتلة في الرأس هي سبب الغيبوبة المتكررة ولها علاج ()

@aooy_m بدأت تولين تسترجع عافيتها قليلا وعادت للجامعة .. كانت سعيدة ذلك اليوم تقول  لي: منور سوو لي حفلة كبيرة وكانت مفاجئة لي مره انبسطت :”)

@aooy_m تولين الحمدلله رجعت تمارس حياتها الطبيعة صحيح كانت تتألم من رأسها كثيراً ولا تستطيع أن تأكل مسكنات الا واحده في اليوم لأنه خطر على الكلية ..

@aooy_m بعد مده انقطعت تولين عن المواقع الإجتماعية ودانة تقول :مشغولة بالإختبارات !! لم تعجبني الإجابة ولكن كنت أقول تولين مجتهده قد تكون دانه صادقة

@aooy_m وفي يوم الخميس 15/6 فُجعت وفُجع الجميع بوفاة تولين .. والحمد لربي على كل حال .. وقبل 4 أيام فجعت دانة بوفاة خالتها وابنها في حادث سيارة !

@aooy_m وهاهو اليوم استيقظت من نومي وإذ بدانه تقول : ادعوا لمحمد أخوي في العناية ( نزيف بالرأس ) بسبب حادث !!

@aooy_m محمد هو من تبرع لتولين بكليته :” محمد هو من كانت تحبه توليين كثيراً .. محمد الأخ الأكبر لهذه العائلة المبتلاة ! محمد من تزوج قريباً …

@aooy_m فأرجوكم أرجوكم لا تنسوا #محمد_الزامل من دعائكم له بالشفاء العاجل وأوصوا صغاركم وكبار السن بالدعاء له :””

@aooy_m ولا تنسوا زوجته و دانة وأخوتها وأقاربهم من الدعاء لهم بالصبر والثبات وأن يجعل الله ما أصابهم في موازين حسناتهم ..()

@aooy_m اللهم اسكب في جسد كل مريض نهراً من الراحة يسري في أوردته، اللهم أرح ثم هوّن ثم اشفِ كل نفس لا يعلم بوجعها إلا انت ( )

#محمد_الزامل

 

بعدها ببضع ساعات كتبت منيرة معلنة وفاة محمد:

@aooy_m #محمد_الزامل ذهب لربه :”( ولاحول ولا قوة إلا بالله

الملتقى يا محمد مع أحبابك في الجنة بإذن الله :”””

 

وهذه تغريدة من دانة الزامل المذكورة بالقصة:

@Danahalzamil يمه .. يبه .. تولين ،. ايلين .. ميين اللي باقي من بعدكم حي ..؟ ترا الدنيا من بعدكم ولاشي .. ، #تولين_الزامل #محمد_الزامل

إنا لله وإنا إليه راجعون.

 

أنا لست بارعًا بكتابة التعازي .. ولكنني أسأل الله أن يكون أفراد العائلة قد سبقوا دانة للجنة، كما أسأل الله ان يجعلهم على سرر متقابلين.

 

09/11

أهلًا

تحية من قلب امريكا في صباح يوم 09/11
وخر الماوس عن الصورة

أمس ..
قالت لي بنت عمتي @asoom
وخر الماوس عن الصورة

تحممست مرة للفكرة .. وتذكرت كلام قالته لي نورة الحميد:
وخر الماوس عن الصورة

الفُكرَة:
اصنع مغامراتك .. تحدث عنها
اضف الكثير من المتعة الى يومك .. واستمتع بكل لحظة
عيش اليوم بشغف .. وتحمس لتحقيق أهدافك
واجعل منك الشخص اللي يتحدث عنه الناس

الفكرة بشكل ابسط:
لو عشت حياة عادية .. راح تكون شخص عادي
لكن لو صنعت لك حياة مختلفة .. راح تكون شخص مختلف

إن شاء الله راح يكون التدوين مرة بالأسبوع عالأقل
ولأني طالب مبتعث في امريكا .. مدينتي راح يكون لها نصيب

تعمدت ابدأ اليوم لأن التاريخ عاجبني D:

تحياتي لكم
عبدالله